01.10.2012
Tha Pàrlamaid na h-Alba a’ sireadh beachdan a’ phobaill air Plana Gàidhlig na Pàrlamaid 2013-2018.
Tha an dreachd phlana a’ toirt cunntas air mar a tha Buidheann Chorporra Pàrlamaid na h-Alba (BCPA), a’ buidheann a bhios a’ ruith na Pàrlamaid, gu bhith a’ cleachdadh na Gàidhlig na seirbhisean, mar a chuireas i cleachdadh na Gàidhlig air chomas na h-obair chonaltraidh agus mar a dh’àrdaicheas agus a leasaicheas i a’ Ghàidhlig.
Thuirt Alasdair MacCaluim, Oifigear Leasachaidh Gàidhlig na Pàrlamaid, “Tha BCPA ag aithneachadh gu bheil Gàidhlig na pàirt glè chudromach de dhualchas, dearbh-aithne nàiseanta agus beatha chultarail na h-Alba.
“Tha BCPA air structairean agus iomairtean freagarrach a chur an gnìomh, a bheireadh cothrom don bhuidhinn cuideachadh leis an obair a tha a’ dol air adhart air feadh na dùthcha, gus dèanamh cinnteach gum bi a’ Ghàidhlig seasmhach anns an àm ri teachd.
“Thig am pròiseas co-chomhairleachaidh gu crìoch 4mh Samhain. Bhitheamaid toilichte beachdan sam bith a chluinntinn.”
Tha an dreachd phlana a’ cur an cèill gu bheil BCPA ag aithneachadh gum feum ùghdarrasan, eagrachaidhean, buidhnean-coimhearsnachd agus luchd-labhairt fa leth oidhirp co-eagraichte a dhèanamh gus:
- inbhe na Gàidhlig àrdachadh;
- togail agus ionnsachadh na Gàidhlig a chur air adhart;
- meudachadh a thaobh cleachdadh na Gàidhlig a bhrosnachadh.
Is e seo an darna Plana Gàidhlig aig BPCA. Tha e air a bhith air ullachadh ann an co-rèir ris na slatan-tomhais reachdail a tha air an cur an cèill ann an Achd na Gàidhlig (Alba) 2005.
Tha am plana a’ cur cudrom sònraichte air an àireamh de dhaoine a tha cleachdadh seirbhisean Gàidhlig na Pàrlamaid àrdachadh. Tha e cuideachd a’ toirt sùil air mar a tha a’ Phàrlamaid a’ cleachdadh na Gàidhlig tro na meadhanan sòisealta.
Thèid na gealltanasan ionmhasail aig BPCA airson na Gàidhlig anns a’ phlana a choileanadh bho bhuidseatan a th’ ann cheana.
Gheibhear barrachd fiosrachadh mu dheidhinn a’ phlana agus foirm goirid air loidhne airson do bheachdan a chur a-steach aig: http://www.scottish.parliament.uk/gd/help/43259.aspx
Contact information
Media
Gaelic Contact
Public information
- Telephone: 0800 092 7500
- Textphone users can contact us on 0800 092 7100
- We also welcome calls using the Text Relay service
- Text message: 07786 209888
- [email protected]
You can also follow us on twitter@scotparl, @parlalba
See our Gaelic blog: Blog Pàrlamaid na h-Alba: parlamaidalba.wordpress.com