14.10.2019
Tha barantasan a dhìth gus a
dhearbhadh gun cùm Riaghaltas na h-Alba ri cosg air pròiseactan le ìre ìseal de
charbon. Tha seo a rèir aithisg ùr a chaidh fhoillseachadh an-diugh le
Comataidh Àrainneachd, Atharrachadh Clìomaid
agus Ath-leasachadh Fearainn aig Taigh an Ròid.
Na cuid sgrùdaidh ron bhuidseat, thug
a’ Chomataidh fa-near don ghealladh
làidir bho Riaghaltas na h-Alba aghaidh a chur air an èiginn mun chliomaìd agus mu bhith-iomadachd. Ach tha ceist mhòr air a’ Chomataidh mun bhuaidh a
bheir call sruthan-maoineachaidh an AE air àrainneachd na h-Alba.
Tha a’ Chomataidh cuideachd air
barrachd geallaidh iarraidh air Riaghaltas na h-Alba gus a dhèanamh cinnteach
gum bi gnìomh mun chlìomaid air
a neadachadh agus air a mhaoineachadh thar nan roinnean air fad ann an
Riaghaltas na h-Alba.
Thuirt Neach-gairm na Comataidh
Gillian Mhàrtainn BPA:
“Thathar air èiginn mun chlìomaid a ghairm agus gheall Alba
brùchdadh aig ìre neoni làn de ghas nan taighean-glainne ro 2045.
“Gus seo a dhèanamh tha e deatamach
fhèin gun toir Riaghaltas na h-Alba prìomhachas do mhaoineachadh a-nis airson gnìomh
mu charbon ìseal agus ìre neoni de charbon agus gun dèanar cinnteach nach bi an
cosg ‘a’ glasadh a-steach’ brùchdadh a’ charboin fad nam bliadhnaichean ri
teachd.”
“Feumaidh sinn aghaidh a chur ann an
da-rìribh air an èiginn mun chlìomaid agus mun èic-eòlas agus dèanamh
cinnteach gun cuir sinn ris an tasgadh againn ann an gnìomhan mu chalpa
nàdarra, mu bhith-iomadachd agus mu atharrachadh clìomaid. Tha cothroman
mòra ann gnìomhan tràthail a ghabhail agus dh’fhaodadh cosg nach beag èirigh à
cion gnìomha no dàil air gnìomh.”